NARONAA 23:12-23

¹²À wèa à pì: Yã kũ Dikiri dàmɛnɛ ma lɛ́nn mani oroo?

¹³Balaki pìnɛ: Ǹ mↄ́ ò gɛ́ gu pãndea, gu kũ ĩni ń en. Ǹ ń kámɛnɛ gwe, zaakũ ń kpadomɛ ĩni e, ĩni ń e ń pínkiro.

¹⁴Akũ à gɛ̀ɛ kãao gudãkpãrinↄ buran Pisiga kpi mìsↄ̃ntɛa. À gbagbaki bò gwe mɛ̀n suppla, akũ à sa òḿma pínki kũ zùsaao kũ sãkarooo.

¹⁵Akũ Balamu pìnɛ: Ǹ zɛ n sa'opↄi la, mani gɛ́ mà a le gwe.

¹⁶Akũ Dikiri sù à yã dànɛ a lɛ́n, akũ à pìnɛ: Ǹ ɛra ǹ gɛ́ ǹ Balaki le ǹ onɛ lákũ ma dànnɛ nà.

¹⁷Akũ à ɛ̀ra à gɛ̀ɛ à a lè zɛna a sa'opↄi kũ Mↄabu kínanɛnↄo. Balaki a là à pì: Dikiri pì deramɛɛ?

¹⁸Akũ à yã kũ à èe ò à pì: Zipo nɛ́ Balaki, ǹ sã kpá ǹ ma yã ma!

¹⁹Luda bi bisãsirinlo kũ à gbasa à ɛ́kɛ to, àdi nɛ̀sɛ litɛ lán bisãsiri bàro. Ani gí yã kũ à ò kɛi yá? Ani gí lɛ́ kũ à gbɛ̃̀ńnɛ papai yá?

²⁰À pìmɛnɛ mà sa mana ońnɛmɛ. À arubarikaa dàńgu, mani fↄ̃ mà gíro.

²¹Mádi yã vãni ke e Yakubu burinↄaro, mádi yã'ũmmana ke e Isarailanↄaro. Dikiri ń Luda kú kũńwo, òdi a kíkɛ tↄ́ sɛ́ lei ń tɛ́.

²²Luda ń bↄ́tɛ Misila, ò gbãna vĩ lán zùsɛ̃ntɛ bà.

²³Oni fↄ̃ ò pↄ́ da Yakubu burinↄaro, oni fↄ̃ ò àlesi bɛ̃̀nɛ kpá Isarailanↄnɛro. Zaa gbãra onigↄ̃ o ń yã musu, yã kũ Luda kɛ̀n gwe.