NARONAA 14:31-37

³¹Ń nɛ́ kũ ò pì oni ń kũkũnↄn mani gɛ̃ kũńwo, de ò bùsu kũ ń denↄ gìi pì nna ma.

³²Mↄ́kↄ̃nↄ sↄ̃, ń gɛ̀nↄ ni gↄ̃ katɛna gbárannan lamɛ.

³³Ń nɛ́nↄ ni pↄ́nↄ dãdã gbárannan la ari wɛ̃̀ bupla, ò ń denↄ náani sari gbɛ̀ le. Ń denↄ gɛ̀nↄ ni gↄ̃ gbárannan la ń pínki.

³⁴Lákũ ò bùsuu pìi yakɛ̀ gↄrↄ bupla nà, lɛn onigↄ̃ ń yã vãni gbɛ̀ le lɛ ari wɛ̃̀ bupla, wɛ̃̀ dodo gↄrↄ dodo, onigↄ̃ dↄ̃ lán ibɛrɛsɛna kũmao de nà.

³⁵Makũ Dikiri makũ mɛ́ ma yã pìi ò, lɛmɛ sↄ̃ mani kɛ gbɛ̃ vãni kũ ò kàkaramai pìnↄnɛ lɛ. Oni gaga gbárannan la ń pínki.

³⁶Gbɛ̃ kũ Musa ń zĩ ò bùsuu yakɛ̀ kũ ò sù ò bùsuu pì gya bò ò tò ò zuka dↄ̀anↄ,

³⁷Dikiri gagagyã kà gbɛ̃ pìnↄgu, akũ ò gàga.