NARONAA 14:1-12

¹Isarailanↄ tɛn wiki gbãna lɛ́ ń pínki, òtɛn ↄ́ↄ dↄ gwãani pìa.

²Ò zuka dↄ̀ Musaa kũ Harunao ń pínki ò pìńnɛ: Tó o gaga Misila kesↄ̃ gbárannan la, de à kɛ̀ mana.

³Bↄ́yãin Dikiri tɛn tá kũoo bùsuu pìnn? Oni ó dɛdɛ kũ fɛ̃nɛdaomɛ, oni ó nↄgbɛ̃nↄ kũ ó nɛ́nↄ kũkũ. Ó ɛrana Misila sã̀naroo?

⁴Akũ ò pìkↄ̃nɛ: Ò don'arɛde bo ò ɛra ò tá Misila.

⁵Musa kũ Harunao wùtɛ ń nɛ̀sɛlɛ kutɛna pari arɛ.

⁶Akũ bùsuyakɛrinↄ gbɛ̃nↄn pla Nuni nɛ́ Yↄsua kũ Yefunɛ nɛ́ Kalɛbuo ń utanↄ gàga ò kɛ̃̀kɛ̃

⁷ò pì gbɛ̃nↄnɛ: Bùsu kũ o bↄtɛn o yakɛ̀ɛ pì mana manamana.

⁸Tó ó yã kà Dikirigu, ani gɛ́ kũoo bùsuu pìn, bùsu kũ vĩ kũ zↄ́'io din pìia, à ó gba.

⁹Àsun bo Dikiri kpɛro. Àsun vĩna kɛ bùsupidenↄnɛro, zaakũ ó pↄ́blenↄmɛ, ò utɛki vĩ doro. Dikiri kú kũoo, àsun vĩna kɛro.

¹⁰Gbɛ̃ sĩnda pínki tɛni pi ò ń pápa kũ gbɛ̀ɛo, akũ Dikiri gakuri bò à sù Isarailanↄa dakarɛki kuta kia.

¹¹Dikiri pì Musanɛ: Gbɛ̃ pìnↄ nigↄ̃ ma gya bo gↄrↄ sĩnda pínkin yá? Bee kũ daboyã dasi kũ ma kɛ̀ ń tɛ́nↄ, onigↄ̃ gí ma náani kɛi gↄrↄ sĩnda pínkin yá?

¹²Mani gagagyã káńyĩ mà ń kakatɛ, mani n burinↄ kɛ dasi, ń gbãna nigↄ̃ de gbɛ̃ pìnↄla.