NARONA 21:2-17

²Ben Isarailinↄ lù sɛ̀ Diinɛ wà bè: Tó n gbɛ̃ pìnↄ nàwe wa ↄzĩ, wé ń wɛ́tɛnↄ kaatɛ mámmam.

³Dii Isarailinↄ yã mà, ben à Kanaa pìnↄ kpàḿma. Aↄ̃ ń káatɛ kↄ̃n ń wɛ́tɛnↄ píngi, ben wà tↄ́ kpà guu pìnɛ Ɔↄma.

⁴Kɛ̀ aↄ̃ fɛ̀ɛ Oru kpiii pì kiia, aↄ̃ Isia Tɛ̃a zɛ́ sɛ̀ lɛ wà pã Ɛdↄmunↄ bùsunɛ. Ben aↄ̃ fù mɛnaa zɛ́n

⁵aↄ̃ Luda kↄ̃n Musao taari è wà bè: Bↄ́yãnzin a bↄwao Igipiti lɛ wà gaga gbáan kɛ̀zi? Pↄ́blee kuuro, í kuuro, wa za pↄ́ble gina kɛ̀n.

⁶Ben Dii mlɛ̃̀ pãsĩnↄ zĩ̀ḿma aↄ̃ ń lɛ́lɛ, ben aↄ̃ gàga paripari.

⁷Gbɛ̃nↄ mↄ̀ Musa kiia wà bè: Wa durun kɛ̀, zaakɛ wa Dii kↄ̃n mpio taari è. Ǹ agbaa kpánɛwe lɛ à wa kɛ̃kↄ̃a kↄ̃n mlɛ̃̀ kɛ̀nↄ. Ben à agbaa kpànɛńnɛ.

⁸Dii bènɛ: Ǹ mlɛ̃̀ pi ǹ logo lía ǹ pɛ́ɛ. Tó mlɛ̃̀ gbɛ̃ lɛ̀, tó à wɛ́ɛ sɛ̀ à gwà, eé aafia e.

⁹Ben à mↄ̀gotɛ̃ pì mlɛ̃̀ ũ à lògo lía à pɛ̀ɛ. Tó mlɛ̃̀ gbɛ̃ lɛ̀ bensↄ̃ à wɛ́ɛ sɛ̀ à mↄ̀gotɛ̃ mlɛ̃̀ pì gwà, è aafia e.

¹⁰Isarailinↄ dà zɛ́n, ben aↄ̃ bùra kàɛ Obo.

¹¹Bↄna Obo aↄ̃ gàa wà bùra kàɛ Iɛ'abarimu gbáan Mↄabunↄ bùsu ↄfãntɛ̃bↄɛ kpa.

¹²Bↄna gwe aↄ̃ gàa wà bùra kàɛ Zeredi guzurɛn.

¹³Bↄna gwe aↄ̃ bùra kàɛ Anↄ baa kãa kpa, gbáa kɛ̀ kú Amↄrinↄ bùsu lɛ́zɛkiia. Anↄ pìn Mↄabu kↄ̃n Amↄrinↄ bùsunↄ lɛ́zɛkii ũ.

¹⁴Beee yãnzin wà bè Dii zĩ̀katakada guu: Waɛbu kɛ̀ kú Sufa bùsun kↄ̃n Anↄ swa'ↄnɛnↄ

¹⁵kↄ̃n ń guzurɛ kɛ̀ tà ai Aranↄ Mↄabunↄ bùsu lɛ́zɛkiio.

¹⁶Bↄna gwe dↄ aↄ̃ gàa Lↄ̀gↄ, guu kɛ̀ Dii bèn Musanɛ: Ǹ gbɛ̃nↄ kakↄ̃a mà í kpáḿma.

¹⁷Gwen Isarailinↄ lɛ̀ kɛ̀kii sìn: Í bↄ lↄ̀gↄn, gbasa wà lɛ̀ sínɛ,