NARONA 14:37-43

³⁷Dii gagyãa kà gbɛ̃ pìnↄn, ben aↄ̃ gàga.

³⁸Gbɛ̃ kɛ̀ aↄ̃ gàa wà bùsu yakɛ̀ pìnↄ tɛ́, Nuni nɛ́ Yↄsua kↄ̃n Yefunɛ nɛ́ Kalɛbuo bé wà gↄ̃̀ wɛ̃̀ndio.

³⁹Musa yã pìnↄ tↄ̃kɛ̃̀ Isarailinↄnɛ píngi, ben aↄ̃ ↄ́ↄ dↄ̀ maamaa.

⁴⁰Aↄ̃ fɛ̀ɛ kↄngↄ idɛ'idɛ, aↄ̃ mì pɛ̀ kpiiinↄa aↄ̃ bè: À gwa, wée gaa guu kɛ̀ Dii òn. Wa wa durun dↄ̃̀ sa.

⁴¹Musa bè: Bↄ́yãnzi ée pãa Dii yãnɛzi? Beee é sí kɛro.

⁴²Àton gáro, zaakɛ Dii kúaoro. A ibɛɛnↄ é zĩ̀ bleawa.

⁴³Amalɛkinↄ kↄ̃n Kanaanↄↄ kú a aɛ gwe. Aↄ̃é a dɛdɛ kↄ̃n fɛ̃ɛdaao. Dii égↄ̃ kúaoro, kɛ̀ a gi tɛ́zizi yãnzi.