NARONA 10:3-12

³Tó wà kãkãki pìnↄ pɛ̀, gbɛ̃nↄ é mↄ́ wà kakↄ̃anzi ń píngi dakↄ̃rɛki kpɛɛlɛa.

⁴Tó kãkãki mɛ̀n doon wà pɛ̀, Isaraili bori dↄn'aɛdee kɛ̀ aↄ̃ↄ dɛ kí ũunↄ bé wé mↄ́ wà kakↄ̃anzi.

⁵Tó wà kãkãki pìnↄ pɛ̀ sikↄ̃kɛnao, gbɛ̃ kɛ̀ aↄ̃ bùra kú ↄfãntɛ̃bↄɛ kpaanↄ bé wé bùra fɛɛ káaku.

⁶Tó wà à gɛ̃̀n plaadee pɛ̀ sikↄ̃kɛnao, gbɛ̃ kɛ̀ aↄ̃ bùra kú sↄↄmɛtɛ kpaanↄ bé wé bùra fɛɛ. Kãkãkipɛna sikↄ̃kɛnao pìn gbɛ̃nↄ dana zɛ́n sèeda ũ.

⁷Tó wà yezi wà gbɛ̃nↄ kakↄ̃a, wàgae pɛ́ sikↄ̃kɛna sai.

⁸Aruna nɛ́ sa'orinↄ bé wé kãkãki pìnↄ pɛ́. Eégↄ̃ dɛare doka ũ gurↄ píngi, apinↄ kↄ̃n a boriinↄ.

⁹Gurↄↄ kɛ̀ a ka a bùsun, tó ée gaa zĩ̀ ká kↄ̃n a ibɛɛ kɛ̀ aↄ̃é gà wà fɛɛaonↄ, àgae kãkãki pìnↄ pɛ́ sikↄ̃kɛnao, lɛ a yã e à dↄ mamↄma Dii a Ludan, mɛ́ a bↄ a ibɛɛ pìnↄ ↄzĩ.

¹⁰Gurↄↄ kɛ̀ ée pↄnnaa kɛɛ sↄ̃, zĩbaan yoo, mↄ dufu gurↄ káaku zĩn yoo, àgae kãkãki pìnↄ pɛ́ a sa'opↄ kɛ̀ wè ká tɛ́n à tɛ́ kũnↄa kↄ̃n a sáabukpana sa'opↄnↄ, a yã é dↄmagu. Mámbe Dii a Luda ũ.

¹¹Wɛ̃̀ plaade mↄ plaade gurↄ barodee zĩ, tɛ́luguu gò sèeda kutaala,

¹²ben Isarailinↄ bùra fɛ̀ɛ Sinai gbáan, aↄ̃ↄe sↄ̃ki kpákpaa ai tɛ́luguu gàa à zɛ̀ Parani gbáan.