NARONA 10:17-32

¹⁷Gɛsↄnu boriinↄ kↄ̃n Mɛrari boriinↄ kutaa pì gbòro, ben aↄ̃ↄ sɛ̀ wà dào zɛ́n.

¹⁸Ben Rubɛni zĩ̀kpɛɛnↄ bùra fɛ̀ɛ gãli kↄ̃n gãlio kↄ̃n ń tuutao. Sedeu nɛ́ Ɛlizun ń dↄn'aɛdee ũ.

¹⁹Zurisadai nɛ́ Selumiɛlin Simɛↄ zĩ̀kpɛɛnↄ dↄn'aɛdee ũ.

²⁰Dɛwɛli nɛ́ Ɛliasafan Gada zĩ̀kpɛɛnↄ dↄn'aɛdee ũ.

²¹Ben Koa boriinↄ Luda pↄ́nↄ sɛ̀ wà dào zɛ́n. Wà kutaa pì dↄ̀ ai aↄ̃gↄ̃ ká.

²²Ben Ɛflaimu zĩ̀kpɛɛnↄ bùra fɛ̀ɛ gãli kↄ̃n gãlio kↄ̃n ń tuutao. Amiudu nɛ́ Ɛlisaman ń dↄn'aɛdee ũ.

²³Pedazu nɛ́ Gamaliɛlin Manase zĩ̀kpɛɛnↄ dↄn'aɛdee ũ.

²⁴Gideoni nɛ́ Abidãn Bɛyãmi zĩ̀kpɛɛnↄ dↄn'aɛdee ũ.

²⁵Ben Dani zĩ̀kpɛɛnↄ bùra fɛ̀ɛ gãli kↄ̃n gãlio kↄ̃n ń tuutao. Aↄ̃mbe aↄ̃ègↄ̃ tɛ́ kpɛɛ. Amisadai nɛ́ Ayɛzan aↄ̃ dↄn'aɛdee ũ.

²⁶Ɔkↄrana nɛ́ Pagiɛlin Asa zĩ̀kpɛɛnↄ dↄn'aɛdee ũ.

²⁷Enana nɛ́ Airan Nafatali zĩ̀kpɛɛnↄ dↄn'aɛdee ũ.

²⁸Lán Isarailinↄ è bùra fɛɛfɛɛ wàgↄ̃ tɛ́tɛkↄ̃zi nàn gwe gãli kↄ̃n gãlio.

²⁹Obabun Musa anzure Ruɛli nɛ́ ũ, Midiã boriimɛ. Musa bènɛ: Wée daa zɛ́n gana bùsu kɛ̀ Dii bè é wa gbaan. Ǹ mↄ́ ǹ gáwao, wé yã maaa kɛnnɛ, zaakɛ Dii nnamana gwe lɛ́ gbɛ̃̀we.

³⁰Ben à bènɛ: Mɛ́ gáro, mɛ́ ɛara ma bùsun ma bɛdeenↄ kiiamɛ.

³¹Musa bè: N yã nna. Ǹton wa tónlo, zaakɛ ń bùrakaɛki maaa dↄ̃ bensↄ̃ ḿbe nɛ́ kɛ wa wɛ́ɛdee ũ.

³²Tó n gaawao, wé yã maaa kɛ̀ Dii é kɛwee kɛnnɛ se.