Naokɛa 18:18-27

¹⁸A nↄ̀ↄ iↄ dɛ n pↄ́ ũ, lá sáaukpa sa'obↄ kùla ń a ↄplaa gbáo dɛ n pↄ́ ũwa.

¹⁹Pↄ́ pↄ́ Isailiↄ ì ma gba píi, máli kpamaɛ ń n gbɛ̃́ↄ, gↄ̃ɛↄ ń nↄɛↄ e gↄↄpii. Ma bàa aↄ kunnↄ ń n buiↄ e gↄↄpiiɛ, aↄ lɛ́ vĩo.

²⁰Dii ɛ̀a ò Aalonaɛ: Ńyↄ̃ↄ tↄↄlɛ vĩ Isaili bùsuuo, ńyↄ̃ baa e a guuo. Mámɛ má n baa ũ, n asea ũ.

²¹Pↄ́ kwide pↄ́ Isailiↄ ì bↄ, má dìlɛ Levii buiↄ pↄ́ ũ píiɛ. Kpaaũkpɛ zĩ pↄ́ aaì kɛ asean we.

²²Isailiↄ su sↄ̃ kpaaũkpɛi lↄo. Tó aa sↄ̃̀i, aa ń duuna gbɛ'eɛ, aai ga.

²³Levii buiↄ lí kpaaũkpɛ zĩ kɛ, kpɛ́pi kua gbãlɛsai gↄ̃̀ ń yã́ ũɛ e an buiwa. Aa e kpaalɛsɛ ń Isaili bui kĩniↄo,

²⁴asa pↄ́ kwide pↄ́ Isailiↄ ì bↄmɛɛ, máli kpá Levii buiↄwa píiɛ. Bee yã́i ma mɛ̀ aa e kpaalɛsɛ ń Isaili bui kĩniↄo.

²⁵Yã́ pↄ́ Dii ò Mↄiziɛ,

²⁶a ò Levii buiↄnɛn kɛ lↄ: Tó a Isailiↄ pↄ́ kwide pↄ́ máli kpáwá á pↄ́ ũpi è, àli a kwide bↄmɛɛ sↄ̃.

²⁷Bee aↄ dɛɛ́ lán pↄgbɛ̃zɛ ń vɛ̃ɛfɛ̃kĩio gbawaɛ.