Naokɛa 15:27-41

²⁷Tó gbɛ̃e zã̀ yã́wa à duunakɛ̀, aàli blè núnu wɛ̃dona kpa duun awakpabↄ ũ,

²⁸sa'ona lí awagbɛaa adeɛ. Tó à awagbɛ̀aa, má aà kɛ̃́.

²⁹Gbɛ̃́ pↄ́ zã̀ yã́wa píi, ikoyã doũpiɛ, Isaili bùsu gbɛ̃́n nò, bↄ̀mↄ pↄ́ kúńnↄn nò.

³⁰Ãma gbɛ̃́ pↄ́ duunakɛ̀ ń mio daa ía, bùsu gbɛ̃́ ge bↄ̀mↄn nò, à dↄ̀ɛmanↄɛ, wa ade bↄ a gbɛ̃́ↄ guu wà dɛ.

³¹Asa a sakà ma yã́u, à bↄ̀ ma yãdilɛa kpɛɛ. Wà ade dɛ, aàpi ń a tàaeo.

³²Gↄↄ pↄ́ Isailiↄ ku guwaiwaiu, aa ń gbɛ̃́dee kũ̀ ń yàawɛo kã́mabogↄↄzĩ.

³³Gbɛ̃́ pↄ́ aa aà èↄ gɛ̀aànↄ Mↄizi ń Aalonao kĩ́i ń gbɛ̃́ kĩniↄ.

³⁴Ɔ̃ aa aà dàkpɛu, asa aa yã́ pↄ́ aa kɛɛ̀ sã́asã dↄ̃o.

³⁵Ɔ̃ Dii ò Mↄiziɛ: Sema wà aà dɛ. Gbɛ̃́pii aà pápa ń gbɛo bòo kpɛ.

³⁶Ɔ̃ wà aà sɛ̀ bↄ̀ò bòo kpɛ, wà aà pàpa ń gbɛo wa dɛ̀ lá Dii ò Mↄiziɛwa.

³⁷Yã́ pↄ́ Dii ò Mↄiziɛ

³⁸a ò Isailiↄnɛn kɛ lↄ: Àliↄ tufada á pↄkasa lɛ́i e á buiwa. Àli tufapiↄ dai ń babuunao,

³⁹iↄ dɛɛ́ tùfa pↄ́ áliↄ gwa ũ, kɛ́ ma yãdilɛaↄ àↄ dↄágu, íↄ kũa, kɛ́ ásu gbãsĩkɛ yã́ pↄ́ a á wɛ́ ge a á sↄ̃ ble musuo yã́i.

⁴⁰Ma yãdilɛaↄ iↄ dↄágu, íↄ kũa, íↄ dɛ ma gbɛ̃́ pↄ́ an kua ńdoaↄ ũ.

⁴¹Mámɛmaa Dii á Lua. Ma á bↄ́lɛ Egipi bùsuu kɛ́ màↄ dɛ á Lua ũ. Mámɛmaa Dii á Lua.