Naokɛa 10:1-12

¹Dii yã'ò Mↄiziɛ à mɛ̀:

²Kã̀ae pí mɛ̀n pla ń ã́nusu pↄ́ wa gbɛ̃̀gbɛ̃ maannↄo gbɛ̃́ↄ kãaabↄ ũ, kɛ́ aali fɛlɛ bòou.

³Tó wà kã̀aepiↄ pɛ̀, gbɛ̃́pii i mↄ kãaanzi kpaaũkpɛ kpɛɛlɛ.

⁴Tó kã̀ae mɛ̀ndo wa pɛ̀, Isaili bui dↄaana pↄ́ aa dɛ kía ũↄ mɛ́ aali mↄ kãaanzi.

⁵Tó wà kã̀aepiↄ pɛ̀ gbã́ugbãu, gbɛ̃́ pↄ́ an bòo ku gukpɛ oiↄ mɛ́ aali fɛlɛ káau.

⁶Tó wà a gɛ̃n plaade pɛ̀ gbã́ugbãu, gbɛ̃́ pↄ́ an bòo ku gɛↄmidↄkĩi oiↄ mɛ́ aali fɛlɛ. Kã̀aepɛa gbã́ugbãupi mɛ́ gbɛ̃́ↄ daa zɛ́u seela ũ.

⁷Tó wàlɛ gbɛ̃́ↄ kãaa, wàli pɛ́ gbã́ugbãu.

⁸Aalona nɛ́ sa'onaↄ mɛ́ aali kã̀aepiↄ pɛ́. Aↄ dɛɛ́ ikoyã ũ gↄↄpiiɛ, ápiↄ ń á buiↄ.

⁹Gↄↄ pↄ́ a ka á bùsuu, tó álɛ gɛ́ zĩkai ń á wɛ̀lɛ pↄ́ sù fɛ̀lɛánↄↄ, àli kã̀aepiↄ pɛ́ gbã́ugbãu, kɛ́ á yã́ e dↄ ma Dii á Luagu, mí á bↄ á wɛ̀lɛpiↄ ↄzĩ.

¹⁰Gↄↄ pↄ́ álɛ pↄnakɛ sↄ̃, dikpɛn lò, mↄ dafu gↄↄ sɛ̃́ia zĩ́n lò, àli kã̀aepiↄ dↄ á sa pↄ́ wì a pↄ́ kátɛu à tɛ́kũↄwa ń á sáaukpasaↄ, á yã́ i dↄmagu. Mámɛmaa Dii á Lua.

¹¹Wɛ̃̀ plaade mↄ plaade gↄↄ baode zĩ́, tɛlu gò ikoyã zwã̀akpɛa,

¹²ↄ̃ Isailiↄ ń pↄ́ↄ nàaa aa fɛ̀lɛ bòou Sinai guwaiwaiu, aalɛ bòokpakpa e tɛlu gɛ̀ zɛ̀ Palana guwaiwaiu.