Nambase 20:17-21

¹⁷Embena yuu dokona sukusa kata pupwa, lape. Namwape namwana mena bulumakao dupwape kata yaki nyuo wangu embena ee dupwanape isa girapo ee dupwanape paa narama. Paa napala embena ipwa kamuo nenge yuwale dupwana kamuo naope pii narama. Namwa kata andake dokonako pao karo pao embena yuu doko yaki nyerama, leyami.

¹⁸Dopa leyaminyipape Itome wambu dupwame nakama isingi lamaiyami. Namwana yuu dokona nakama kapa pyuo epo paa narami. Nakama panya lao eparami ramo namwame nyisa epapala nakama pyarama.

¹⁹Dokopa Isaraele wambu dupwame lao namwa kata andake dokona iki parama. Dokopa namwape namwana mena dupwamepe nakamana ipwa dupwana mende narama ramo namwame ropo pyakarama. Namwame mee kata dokona sukusa panya suu pilyamano, leyami.

²⁰Dopa leyaminyipape Itome wambu dupwame dee kamba lao, Nakama dakena epa narami lapala nakamape yanda singi porai malu mee dupwamepe Isaraele wambu dupwa pyala epeyami.

²¹Itome wambu dupwame nakamana yuu dokona Isaraele wambu dupwa epo paa narami leyaminyisa Isaraele wambu dupwa kapu kyuo kata wakalena peyami.