Nambas 25:6-13

⁶Mousis bi Islael lavedi ai nuwaboya bi palai Waiyawa mataetinemo a miyamiya te matedimo, Islael olotona Midian waivinina i waidoli saḡe ena palaimo.

⁷Ḡome Piniyas Eliyesa natuna, pilis Elon itana, mainana i kitakita ba i miya moito bolu i gose. Bi ena alaḡiya i vai,

⁸bi manunubina Islael olotona ena palaimo i sola saḡa, te alaḡiya i lubu bi oloto mawaivinina i tupawaikapudi te a peki. Niga mai kauwinemo kaka Islael lavedi sida i kwetikwetilina i kaisako.

⁹Bi geḡa te kaikana lava wapedi 24, tausand a peki.

¹⁰Ḡome Bada, Mousis i giuwena gado,

¹¹“Piniyas Eliyesa natuna, pilis Elon itana bai i voiyena ba egu medi i lauwata bi tana i ḡoeḡoena ba Islael lavedi maimaituwa ḡesaudi mote sima lauduneyedi. Bi yà ḡoeḡoe te maso e kovoḡidina ba, geḡa te egu medi i waiuba.

¹²Taunana aubaina kwa giuwe te egu waianina ba, nuwavisu bi nuwauba lisinemo laḡan matabuna.

¹³Tana i ḡoeḡoena tagu isagu waiyawa lava sa vivile kauwe bi Islael edi gebo dabanemo edi wai beyapota i waidouḡavuki. Taunana aubaina tagu waianina bagibagina yà sakosako te ena tubulelesa vaitedi lisidimo, tedi kamaina te aubaigu sai pilisi nonoḡa.”