Nambas 22:26-33

²⁶Tane Iawe God enseliwa rialene alene inta awopawa keraudida osowe enen, sape mai leute wita on ba sen deneuwe aitaa rua, dia.

²⁷Mape donki Iawe God enseliwa enedio ewene ita Balaam wawa atowe itulen. Tane me nuawa kadileno koinawa mampe donki epen.

²⁸Tauma Iawe God donki moawa wadenaubeno Balaam mampe wane wanase, “Ne dima e manawo dewasanakadisano baiwa walama natadea epaneana?”

²⁹Balaam me sipoasane wanase, “E ne dewaneana ewaewa abo apana oopa rua. Ne mainawo isima wineipono tauma ema e boepona.”

³⁰Tane donki Balaam diene wanase, “Ne ipa e donkiaida walama uduudu osonawo wainie leie, ita dewa inainamba ema rua ne bauta dewasana, ba?” Tane me wanase, “Dia.”

³¹Mape Iawe God Balaam emawa wadenaubeno ensel isima wadene enedio ewen. Sa baiwa me dunelene namba dogo osowe itun.

³²Tane Iawe God enseliwa me waitarasane wanase, “E dima baiwa donkia walama natadea epaana? Ne emanawo a ema e aitiana ipa kadiwa, sa baiwa ne onaa enane intaa bodedina.

³³E donkia ne ewanene baiwa leulena walamawa natadea. Tane me leu epono ne tauma ema boepona ita me epono inalepona.”