Nambas 21:4-13

⁴Islael lavedi oya Ḡo a gose bi eta nisa sabasabana yawaninaḡa i nawanawana a kaiwata te maso dobu Edom mulinaḡa a kwaivivila. Bi geḡa te etamo lava a nawa tunidaboka.

⁵Kamaina bi lava Mousis bi Maimaituwa lisidimo a giuvitavitalana gado, “Bai aubaina Idipmo kuna kapotiyomai bi kuna natomemai niga kalakalalelemo te ka peki? Niga ḡome mote kani te ka kani bi gauba te ka tego. Niga kanina mana tama ke kanituni daboke.”

⁶Taunana aubaina Bada mwata wailaukubutidi i giukamaḡedi Islael lavedi lisidimo bi lava wapewapedi ai pekidi.

⁷Kamaina bi lava a nato Mousis lisinemo bi a giuna gado, “Tama gebogebo ke voiye, te Maimaituwa bi tam lisimimo ke giuvitavitala. Bada lisinemo kwa laupali te mwata ya kaikamaḡedi.” Ḡome Mousis lava aubaidi i laupali.

⁸Bada, Mousis i giuwena gado, “Mwata kwa voiye te kai modonemo kwai dawe, Laḡannemo lava aiyai mwata wailaukubutina i kalatina ba mwatana kai modonemo ya kita saḡe te ya yawasana.”

⁹Kamaina bi Mousis bolonsimo mwata i voiye te kai modonemo i wai dawe. Sauḡinemo aiyai bi mwata i kalatina ba mwata aluwina ya kita saḡe bi ya yawasana.

¹⁰Islael lavedi a nawa Obotmo a tava bi ḡome edi palai a solu.

¹¹Kota Obot a gose bi a nawa Iye Abalimmo a lauḡalavu, Iye-Abalim ba aibeu yawaninemo, Mowabi lavedi edi dobu isuotinemo.

¹²Ḡome te a modina munaḡa Deled wapunemo a lauḡalavu.

¹³Diledmo te a nawa Anon gaubina diyaotinemo kalakalelemo a lauḡalavu, Amoli lavedi edi dobu diyanemo.