Namba 23:7-11

⁷Balaam vit mesein ren Ahi vit: “Asuv houlu Balak kur nau ran hou keil ten out Aram en usite ist. Kei vise inau vit, ‘Amai selus en usite onak. !Kisesenda en me-Isrel keil!’

⁸Hemukave nisesenda en koakeil koa Ahi rosesendatei en keil? Nasakras masan mahien min koakeil Iahova rosantei mahien min keil.

⁹Navong naro en hoi hou nesa, nakilea matapehai en keil, namul en vatihou nesa ka nalei usil keil. Keil avi meatin sase enges, akilea keke tokolkatien mul en keil mulin kantri savsav keil.

¹⁰Vatiamal keil koa akikistal ran Siekob avi houlu suval vulimeas; me-Isrel keil, asakras avahuli keil. Navong moulien onak hevus, ek vat keite teni hesuval tai en meatin keil ekek onen Ahi. Ek vati nimat en tomat hesuval koakeil enek koa amutolas en meten Ahi.”

¹¹Evus, asuv houlu Balak viteni min Balaam vit, “?Komumon sa minau? Nakuruk kumai ekok kovasesenda en koakeil avi vativieh ral nau, ka keik kosan tokolkatien esuk min keil.”