Namba 22:26-33

²⁶Go Apômtaunê aŋela gêmuŋ gêja kêkô gamêŋ, taŋ intêna ŋasawa kêtu sauŋ naŋ, ma ŋasawa teŋ gebe doŋki êmôniŋ êsa anô me gasêŋa gêc atom.

²⁷Doŋki gêlic Apômtaunê aŋela, go gêu tau kêsêp jagêc. Ma Bileam têtac ŋandaŋ kêsa ma gêjac doŋki ŋa nê tôc.

²⁸Go Apômtau gêŋa doŋki awasuŋ ma kêsôm gêdêŋ Bileam gebe “Aê gagôm asageŋ gêdêŋ aôm, tec gôjac aê kêtu dim têlêac nec.”

²⁹Bileam kêsôm gêdêŋ doŋki gebe “Aê gajac aôm gebe gôjam ôwê gêdêŋ aê. Aê gabe embe jakôc siŋ teŋ êsêp lemoc, oc janac aôm tomatêgeŋ.”

³⁰Go doŋki kêsôm gêdêŋ Bileam gebe “Aê katu nêm doŋki, taŋ gôŋgôŋ ŋaô gedeŋ tôŋgeŋ e mêŋgêdêŋ galoc me masi. Aêŋoc mêtê gebe jaŋgôm aôm kwalec amboac tonec me.” Ma eŋ kêsôm gebe “Masi.”

³¹Go Apômtau gêgôm Bileam mataanô kêpoa lasê e gêlic Apômtaunê aŋela kêkô intêna to lêma kêmêgôm siŋ ŋamata. Ma eŋ gewec to gêu tau jagêc laŋôanô gêdêŋ nom.

³²Go Apômtaunê aŋela kêsôm gêdêŋ eŋ gebe “Aôm gôjac nêm doŋki kêtu dim têlêac kêtu ageŋŋa. Ôlic acgom, aê tec gamêŋ gebe jakô aôm auc, gebe aê galic aôm kôsa intêna keso.

³³Doŋki gêlic aê ma gêjac jaê aê kêtu dim têlêac. Embe ênac jaê aê atom, oc janac aôm êndu biŋŋanôgeŋ, ma doŋki tau oc êmoa mata jali.”