Nabasi 22:25-28

²⁵Ijadufuo doniki ije fu va gake E Ireobo ijadufuo anera ije fu ijia maninoga fu asi vakiro uri Beramedo dia ije dabe faere ijia umakazimoga fu uri doniki ije kanae.

²⁶Areme E Ireobo ijadufuo anera ije fune biona una va vame ma kifiti ije doniki fu izege dakudedufuo baki ijia mani.

²⁷Anera ije fu ijia maninoga doniki ije fu gana ijia umeke namoga Berame fuka ma ireobo defaruimo fu uri ine dabe urukeigia ifi.

²⁸Areme E Ireobo fu doniki ije dabe niromoga fu uri Berame kuae, Na irere reva ijadufuo a na maza inokubeke ifiemano kuae.