Nabasi 14:3-6

³Ro E Ireobo fu irerefuo no kaenamuona igia ruaema iviama e buneka no kanuoga none igia oedufuo. Bu kanuoga no oeke bararafa nuvuone ijiakina anafa nuvuone ije bune e ijiebe kaenamia vadufuo. Ijadufuo fube maredo noka una gamia Ijifiti vakono kuae?

⁴Bu ijiege kuaena bune uri bue kuae, Noka e nigofo be abega fure no kaenamuona una Ijifiti vakono kuae.

⁵E ije bu ijiege kuaevoga Mosisikiro Eroni bu e Isureroko boeje bu afuiva ijiebuo nidua ijia tuana uimutumutu sakae ado ijia dije.

⁶Ro Josua e Nanedo fari ijiakiro Kerabi e Jefunedo fari ije bu aesakae Keinani ninakokuae vaeva ije bune uri izege e Isureroko ije bu Godi ma vierafekuae totenamivo ije giavo buka ireobo oefiadiae. Ijadufuo bune uri ugone buone bu saeva ije kame farae.