NÚMEROS 26:6-40

⁶Iteipa ixhuihua Hezrón mochijque nopa hezronitame. Iteipa ixhuihua Carmi mochijque nopa carmitame.

⁷Huan ipan nopa tonali quema quinpojque tlen itztoyaj ipan nochi nopa familias tlen iteipa ixhuihua Rubén, quinpojque 43 mil 730 tlatehuijca tlacame.

⁸Huan Falú quipixqui itelpoca tlen itoca Eliab.

⁹Huan itelpocahua Eliab elque Nemuel, Datán huan Abiram. Huan Datán huan Abiram elque nopa tlacame tlen mosejcotilijtoyaj huejcajquiya ihuaya Coré huan quichijque tlen fiero iixpa TOTECO, huan ica Moisés huan Aarón.

¹⁰Huan motlapo tlali huan quintolo ni ome tlacame ihuaya Coré. Nojquiya ipan san se tonal TOTECO quinmicti ica tlitl 250 tlacame tlen quintoquiliyayaj. Nochi ya ni elqui se hueyi tlamachtili para nochi nopa israelitame tlen mocajque.

¹¹Pero ipan nopa tonali itelpocahua Coré ax itztoyaj ihuaya inintata huan ax mijque.

¹²Simeón, iompa telpoca Israel, huejcajquiya quinpixqui macuilti itelpocahua: Nemuel, Jamín, Jaquín, Zera huan Saúl. Huan ininteipa ixhuihua sesen ni tlacame mochijque familias huejhueyi. Iteipa ixhuihua Nemuel mochijque nopa nemuelitame. Iteipa ixhuihua Jamín mochijque nopa jaminitame. Iteipa ixhuihua Jaquín mochijque nopa jaquinitame.

¹³Iteipa ixhuihua Zera mochijque nopa zeraitame. Iteipa ixhuihua Saúl mochijque nopa saulitame.

¹⁴Huan ipan nopa tonali quema quinpojque tlen itztoyaj ipan nochi familias tlen iteipa ixhuihua Simeón, quinpojque 22 mil 200 tlatehuijca tlacame.

¹⁵Gad, itelpoca Israel, huejcajquiya quinpixqui chicome itelpocahua: Zefón, Hagui, Suni, Ozni, Eri, Arod huan Areli. Huan ininteipa ixhuihua sesen ni tlacame mochijque familias huejhueyi. Iteipa ixhuihua Zefón mochijque nopa zefonitame. Iteipa ixhuihua Hagui mochijque nopa haguitame. Iteipa ixhuihua Suni mochijque nopa sunitame.

¹⁶Iteipa ixhuihua Ozni mochijque nopa oznitame. Iteipa ixhuihua Eri mochijque nopa eritame. Iteipa ixhuihua Arod mochijque nopa aroditame.

¹⁷Iteipa ixhuihua Areli mochijque nopa arelitame.

¹⁸Huan ipan nopa tonali quema quinpojque tlen itztoyaj ipan nopa familias tlen iteipa ixhuihua Gad, quinpojque 40 mil 500 tlatehuijca tlacame.

¹⁹Judá, itelpoca Israel, huejcajquiya quinpixqui ome itelpocahua tlen inintoca Er huan Onán. Inijuanti mijque nimantzi ipan nopa tlali Canaán.

²⁰Pero teipa Judá nojquiya quinpixqui sequinoc eyi itelpocahua: Sela, Fares huan Zera. Huan ininteipa ixhuihua sesen ni tlacame mochijque familias huejhueyi. Iteipa ixhuihua Sela mochijque nopa selaitame.

²¹Iteipa ixhuihua Fares mochijque nopa faresitame. Iteipa ixhuihua Zera mochijque nopa zeraitame. Huan Judá itelpoca tlen itoca Fares quinpixqui ome itelpocahua, Hezrón huan Hamul tlen mochijque nopa hezronitame huan nopa hamulitame.

²²Huan ipan nopa tonali quema quinpojque tlen itztoyaj ipan nopa familias tlen iteipa ixhuihua Judá, quinpojque 76 mil 500 tlatehuijca tlacame.

²³Isacar, itelpoca Israel, huejcajquiya quinpixqui nahui itelpocahua: Tola, Fúa, Jasub huan Simrón. Huan ininteipa ixhuihua mochijque familias huejhueyi. Iteipa ixhuihua Tola mochijque nopa tolaitame. Iteipa ixhuihua Fúa mochijque nopa fuaitame.

²⁴Iteipa ixhuihua Jasub mochijque nopa jasubitame. Iteipa ixhuihua Simrón mochijque nopa simronitame.

²⁵Huan ipan nopa tonali quema quinpojque tlen itztoyaj ipan nopa familias tlen iteipa ixhuihua Isacar, quinpojque 64 mil 300 tlatehuijca tlacame.

²⁶Zabulón, itelpoca Israel, huejcajquiya quinpixqui eyi itelpocahua: Sered, Elón huan Jahleel. Huan ininteipa ixhuihua sesen ni tlacame mochijque familias huejhueyi. Iteipa ixhuihua Sered mochijque nopa sereditame. Iteipa ixhuihua Elón mochijque nopa elonitame. Iteipa ixhuihua Jahleel mochijque nopa jehleelitame.

²⁷Huan ipan nopa tonali quema quinpojque tlen itztoyaj ipan nopa familias tlen iteipa ixhuihua Zabulón, quinpojque 60 mil 500 tlatehuijca tlacame.

²⁸José, itelpoca Israel, huejcajquiya quinpixqui ome itelpocahua: Manasés huan Efraín.

²⁹Tlen Manasés quisqui ome familias huejhueyi. Se quisqui tlen itelpoca tlen itoca Maquir. Huan iteipa ixhuihua mochijque nopa maquiritame. Huan ne se hueyi familia quisqui tlen itelpoca tlen itoca Galaad tlen elqui itelpoca Maquir. Huan iteipa ixhuihua Galaad mochijque nopa galaaditame.

³⁰Huan itelpoca Galaad tlen itoca Jezer, iteipa ixhuihua mochijque nopa jezeritame. Huan itelpoca Galaad tlen itoca Helec, iteipa ixhuihua mochijque nopa helequitame.

³¹Huan itelpoca Galaad tlen itoca Asriel, iteipa ixhuihua mochijque nopa asrielitame. Huan itelpoca Galaad tlen itoca Siquem, iteipa ixhuihua mochijque nopa siquemitame.

³²Huan itelpoca Galaad tlen itoca Semida, iteipa ixhuihua mochijque nopa semidaitame. Huan itelpoca Galaad tlen itoca Hefer, iteipa ixhuihua mochijque nopa heferitame.

³³Hefer quipixqui itelpoca tlen itoca Zelofehad, pero yajaya ax quipixqui niyon se itlaca cone. Zelofehad san quinpixqui iichpocahua tlen inintoca: Maala, Noa, Hogla, Milca huan Tirsa.

³⁴Huan ipan nopa tonali quema quinpojque tlen itztoyaj ipan nopa familias tlen iteipa ixhuihua Manasés, quinpojque 52 mil 700 tlatehuijca tlacame.

³⁵Ipampa José itelpoca tlen itoca Efraín quinpixqui eyi itelpocahua: Sutela, Bequer huan Tahán. Huan ininteipa ixhuihua sesen ni tlacame mochijque familias huejhueyi. Iteipa ixhuihua Sutela mochijque nopa sutelaitame. Iteipa ixhuihua Bequer mochijque nopa bequeritame. Iteipa ixhuihua Tahán mochijque nopa tahanitame.

³⁶Huan Sutela, itelpoca Efraín, quipixqui itelpoca tlen itoca Erán huan iteipa ixhuihua mochijque nopa eranitame.

³⁷Huan ipan nopa tonali quema quinpojque tlen itztoyaj ipan nopa familias tlen iteipa ixhuihua Efraín, quinpojque 32 mil 500 tlatehuijca tlacame. Huajca ya nimitzilhuijtoc tlen iteipa ixhuihua José huan catlía huejhueyi familias quisque ipan ya.

³⁸Benjamín, itelpoca Israel, huejcajquiya quinpixqui macuilti itelpocahua: Bela, Asbel, Ahiram, Sufam huan Hufam. Huan ininteipa ixhuihua sesen ni tlacame mochijque familias huejhueyi. Iteipa ixhuihua Bela mochijque nopa belaitame. Iteipa ixhuihua Asbel mochijque nopa asbelitame. Iteipa ixhuihua Ahiram mochijque nopa ahiramitame.

³⁹Iteipa ixhuihua Sufam mochijque nopa sufamitame. Iteipa ixhuihua Hufam mochijque nopa hufamitame.

⁴⁰Huan Bela, itelpoca Benjamín, quinpixqui itelpocahua Ard huan Naamán. Huan ininteipa ixhuihua mochijque nopa arditame huan nopa naamitame.