NÚMEROS 15:17-22

¹⁷Huan TOTECO quicamahui Moisés huan quiilhui:

¹⁸“Xiquinilhui nochi israelitame quema calactose ipan nopa cuali tlali campa na niquinhuicas,

¹⁹huan pehuase quicuase nopa trigo tlen temaca nopa tlali, monequi quiiyocatlalise se achi para nechtencahuilise.

²⁰Quema achtohui quisentilise trigo sesen xihuitl huan quichihuase nopa achtohui tixtli, ma nechsencahuilica se pantzi huan quihuisose noixtla queja se tlacajcahualistli tlen pantzi tlen nopa trigo pixquistli.

²¹Huan quitencahuase ni tlacajcahualistli tlen nopa achtohui trigo ipan sesen xihuitl hasta iniixhuihua quinpiyase iniixhuihua huan para nochipa.

²²“Huan yonque nelía quinequise quichihuase nochi senquistoc cuali, intla inijuanti o iniixhuihua teipa ehuani, ax quichihuase nochi ni tlanahuatili tlen nimechmacatoc ica Moisés hasta quema nipejqui nijmaca tlanahuatili, huajca ya ni tlen monequi quichihuase.