Muqâqiŋ Dâŋ 9:8-17

⁸Irec go ŋic mu âke sisicne mu bâtiŋ moc mi ecnezemec, sifu ecnecmuo ine qaisocguocmu. Ŋic maŋɋârâŋhec dâŋ mucnecmuo ine âgo egareocmu.

⁹Go ŋic maŋɋârâŋhec dâŋ i me i moc âzâcnetec maŋɋârâŋ‐ticne soka sanaŋ eocmu. Me ŋic tiŋne moc dâŋ i me i âzâcne qazuc ecmuo ine mamana‐ticne soka ŋedâmârec eocmu.

¹⁰Wofuŋ araŋ babacne izi maŋɋârâŋte hata fufuŋkene ekac. Go Tiri rune mana ʒakiehuc maŋzi mamana tara bâfuacmu.

¹¹Maŋɋârâŋzi jarage bafehuc jujuge bâʒoraocmu.

¹²Manakic, go maŋɋârâŋhec jucmuo ine irec fârine biaŋne fua‐gareocmu, me maŋɋârâŋ râpecketec irec okacne ʒâic busâqoc fua‐gareocmu.

¹³Wiac moc ʒâŋene mutuc matac e ŋokac mamana tâmiriczi mimi tâmiric jaha dâŋmarac sâko eekac ere sâc.

¹⁴E ficticnere motâcko me haetoŋko ŋeŋerâ juekac.

¹⁵Ehuc ŋic ŋokac hata‐jeŋic sâc rac warec eeŋgopieŋ jaŋe dâŋ ʒiŋuc muhuc wira hefârec ejareekac:

¹⁶“Ŋic ŋokac mamana tâmiric, ŋoŋe wefuniŋ!” Â ŋic mutucne jaŋe ʒiŋuc jazaekac:

¹⁷“Opâ fiuc rokicne i nâpie aŋac ʒizine eekac, â nânâ poroŋ fiuc rokicne i wâc nâpie aŋac baŋacne jâmbâŋ eekac.”