Muqâqiŋ Dâŋ 9:2-8

²Erâ tiwâ bâzi bâmockeocte qowi moc qa hezuc ewec â waiŋ opâ‐ticne i wiac âsu biaŋneheczi bâsifuckewec, erâ wâc tela kasoŋ wiac râe‐fârewec.

³Ehuc kiŋaŋ narufâcne jaŋe haetoŋko domahuc dâŋ kecʒiŋuc musokahuc muniŋte sorec‐jopawec:

⁴“Ŋic ŋokac mamana tâmiric ŋoŋe wefuniŋ!” Â ŋic mutuc matacne jaŋe wâc ʒiŋuc jazaekac:

⁵“Ŋoŋe wefurâ nânâ‐nane â waiŋ opâ wiac âsu biaŋneheczi bâsifuckepac i nâ bac eniŋ.

⁶Ŋoŋe ŋic ŋokac mamana tâmiric jaŋe behec‐joparâ maŋzi wiac mamana tara irec hata bâjâpehuc juhâc qâhâmonʒepieŋ.”

⁷Go ŋic mu âke sisicne moc mu bâtiŋ ecnecmuo ine mimi qaqa faigao feocmu. Me ŋic hehesicne moc dâŋ mucnecmuo ine eki râsi egarehuc bâʒâicguocmu.

⁸Irec go ŋic mu âke sisicne mu bâtiŋ moc mi ecnezemec, sifu ecnecmuo ine qaisocguocmu. Ŋic maŋɋârâŋhec dâŋ mucnecmuo ine âgo egareocmu.