Muqâqiŋ Dâŋ 7:14-26

¹⁴“No miŋecgac qowi bâzi rikepacte qowi tiwâne fonarekac.

¹⁵Irec no fickonec waharâ gore ʒâŋe fihuc juku bâfuacgukopac hâcne.

¹⁶Manakic, no Aigita mâreŋkonec fofo qoruc erinehec i biac fofo‐naneo rumackepac.

¹⁷Ehuc siŋsiŋ saŋkarac â ʒineŋ sâfânâŋ wiac âsu biaŋ i wâc biac râe‐fârepac.

¹⁸Irec go biac waretec waha hâhâpoc erâ fohuc ʒeri bubiaŋ manahuc fohapere hae furezejec.

¹⁹Ŋowe‐nanezi ʒira mi jukac, e ʒoricko rawec.

²⁰Ehuc moneŋ bocjaha amecke rawec, irec juku Sonda 2 tarame risieocmu.”

²¹Ŋokac e iŋuc muhuc motec esâickeme wokemaŋ dâŋticnere dockewec.

²²Eme izia bulimakao qa hezuc eniŋte baraeŋgopieŋ, me qowi moczi bitiŋ mi hone tarahuc ututuŋ jaha raʒime kime foha

²³ŋic jaŋe fisirâ tepe moteczi murupie hâmoekac, irec sâc ehuc ŋokac bâjâpeme ficticnao fepic. E wipezi sisipiric fokac i mi mana tarahuc uficko jowaekac irec sâc jaha ehuc juju‐ticne omaeocmu i mi mana tarawec.

²⁴Irec motec‐mae, go hazec râe‐hâmohuc micdâŋ‐nane manazemec.

²⁵Go ŋokac iŋucnezi maŋ bâsifuc egareme hata‐ticne moc mi bâjâpezemec.

²⁶Ŋokac e ŋic bocjaha sipiric‐jopawec, erâ ŋic guru sâko bâdoc‐jopame hâmo‐fârembiŋ. Irec go ere ficko fecmuo ine hâmoc haere hatao racmu. Izi hâcne hâmoc haere hata bembeŋne ekac.