Muqâqiŋ Dâŋ 6:3-10

³Motec‐mae, go iŋuc wiac moc fua‐gareme ŋic ere meo femeŋko ine gahacne sahac ŋezickecmurâ kecʒiŋuc ezemec: Go picpac jaha erao rarâ akicguocte numucnezemec.

⁴Irec go hesacke furic ehuc guŋ mi fozemec.

⁵Go wipezi eekac iŋuc ehuc bitiŋ heunuckerâ wisezemec, erâ beczi wosaŋeŋ bapa ŋic honerâ qârucnerâ wisehuc juju‐ticne bâfuaekac irec sâc ezemec.

⁶Ŋic roroc qaŋqaŋne jaŋe fiu qoʒazaŋ jaŋere eebapa honerâ maŋɋârâŋ bâfuanʒepieŋ.

⁷Fiu qoʒazaŋ jaŋe soŋaŋ micne me ŋicwofuŋ me guriŋ bapafâc‐jeŋic aricne,

⁸erâ sifu hoemaŋ dameŋte manasuhuc nânâ wiac‐jeŋic ʒoaŋ dameŋkoa ro qâzuc eeŋgopieŋ.

⁹Ŋic roroc qaŋqaŋne e mo dameŋko ojoŋ juju‐ticne moc beheocmu? Me wezimucko moc faharerâ gie baocmu?

¹⁰E ʒiŋuc hâcne muekac: “No me ʒâʒâfic qarâ guŋ piticne mac fope.”