Text copied!
CopyCompare
Kâte Bible - Muqâqiŋ Dâŋ - Muqâqiŋ Dâŋ 31

Muqâqiŋ Dâŋ 31:3-15

Help us?
Click on verse(s) to share them!
3Go tâpirige sasec gieo mi qâmiezemec, â moneŋge i ŋokac jaŋerao mi sipirickezemec. Manakic, iŋucne jaŋe ŋicwofuŋ wâc sipiric‐jopambiŋ.
4O Lemue, go manac: Ŋicwofuŋ jaŋe waiŋ opâ mi nânʒepieŋ, â opâ sanaŋ gâcne irec andac wâc mi enʒepieŋ.
5Jaŋe opâ sanaŋ nâhuc sâcmutâc dâŋte nikec‐jopaekac, ehame ŋic qarâ suriŋne hone takirec‐jopaeŋgopieŋ.
6Opâ sanaŋ i ŋic ʒâic sâko manahuc hâmozo eŋgopieŋ jaŋere biŋe.
7Jaŋe hâcne nâhuc bawaha qaqane â busâqoc faio jueŋgopieŋ irec nikec‐jopazejec.
8“Go ŋic nâŋguŋne â ba bititicne jaŋere dâŋ muhuc bafic‐jopazemec.
9Go jaŋe bafic‐jopahuc dâŋjeŋic mutiŋnezemec, ehuc ŋic waha qaqane â qarâ suriŋne jaŋere dâŋ fâretiŋ jaha muhuc dopec‐jopazemec.”
10Mozi ŋokac biaŋne moc sâcne bâfuaocmu? Ŋokac biaŋne moc e qânâ furi sâko irec sâc sirickeekac.
11Ehame ŋowe‐ticnezi erao roweckerâ juhuc batac qatac mi eocmu.
12Ŋokac iŋucne e jufeekac sâc ŋowe‐ticne busâqoc moc mi bâfuacnehuc biaŋne jauŋkehuc juekac.
13E qâoma moc mi ehuc he fufu â ŋaqi qoruc ɋâɋâtâ gie ʒuʒuhuc jaha baekac.
14E mafa woke iŋucne nânâ wiac mâreŋ ʒorickonec rome fisiekac.
15E furic qârurure faharerâ wiacfâc‐ticne jaŋere nânâ rike bâmoc ehuc kiŋaŋ narufâcne giedâŋ mujareekac.

Read Muqâqiŋ Dâŋ 31Muqâqiŋ Dâŋ 31
Compare Muqâqiŋ Dâŋ 31:3-15Muqâqiŋ Dâŋ 31:3-15