Text copied!
CopyCompare
Kâte Bible - Muqâqiŋ Dâŋ - Muqâqiŋ Dâŋ 30

Muqâqiŋ Dâŋ 30:1-8

Help us?
Click on verse(s) to share them!
1Kecʒi Jakere ŋokâ, Masaŋic Aguru ere dâŋ hâcne: “Anutu e nohec mi juekacte boc bititieekopac.
2No ŋic mâcne, qowi iŋucne juekopac, ŋic nâŋâc mamanahec erâ junaŋte mukicne mamana i no mi fonarekac.
3No maŋɋârâŋhec jupemurâ mamana gie moc mi bapo, irec no Anuture fuŋne kâuc baekopac wâc.
4Mozi moc sambâŋko ferâ mocwâc risie wahawec? Me mozi mâŋâŋ moc basanaŋkewec? Me mozi qoruc‐ticne rorâ opâ moc foŋkewec? Me mozi mâreŋ qaŋeŋne râe basanaŋ efârewec? Go ŋic e jahacne me ŋokâ‐ticnere ʒâŋe moc manakicko muc!
5“Anutu e mumupaŋ dâŋticne sasawa irec fârine bâfua‐fâreekac, â ere dapeŋko soŋkeeŋgopieŋ jaŋe ŋezic‐jopa‐fâreekac.
6Anutu e tutuc qagarehuc burecŋic mugarezacte eki dâŋ muwec ira gahacne maŋte dâŋ moc mi ʒuhuckezemec.”
7O Anutu, no hâmoc dameŋ‐nane mi maickeha wiac jajahec jahere numu‐garepe mana‐narezemec:
8Burec â waburac ezipore baficnuzemec, ehuc tâpiri‐nanere sâc moneŋ mafa nare tahac ezemec, â nânâ wiac i hobu‐nanere sâc sawa narezemec.

Read Muqâqiŋ Dâŋ 30Muqâqiŋ Dâŋ 30
Compare Muqâqiŋ Dâŋ 30:1-8Muqâqiŋ Dâŋ 30:1-8