Text copied!
CopyCompare
Kâte Bible - Muqâqiŋ Dâŋ - Muqâqiŋ Dâŋ 26

Muqâqiŋ Dâŋ 26:15-26

Help us?
Click on verse(s) to share them!
15Ŋic gâcne jaŋe qâoma sâko ehuc nânâ wiac micjeŋicko râeniŋte takic‐jopame mâc ŋeeŋgopieŋ.
16Ŋic ojoŋnezi e jahacnere maname feha ŋic 7 jaŋe maŋ mamanasu‐jeŋicko dâŋ fokac i mufuapie maname wawahane ekac.
17Ŋic moc e ŋic âgo‐ticnere dâŋ muocte mi manacnehapie sifu muocmu e ŋic moczi hatao rahuc qâto furune moc hazecnao roocmu ere sâc eocmu.
18Ŋic moczi ŋic âgo‐ticne eatuckerâ ʒiŋuc muocmu: “No mâc ʒoraŋ sawa ekopac,” e ŋic mutuc matacne moczi ʒoc kosa turuŋkeme wiac ʒafâreekac me tepe motec kosa qâtâcneme raekac ere sâc eocmu.
20Ʒoc mocwâc mi henusuckepene hâpoocmu, â gupe micko âkec behepene dâŋ mu qaqataraczi wâc omaeocmu.
21Ʒoc râqâcnere kinezi ʒoc tucne qâhâsâekac â ʒoc henusuckepene ʒahuc foekac irec sâc jaha ŋic râŋgeŋnezi qaqatara bâfuaekac.
22Ŋic nâŋâc gupe micko âkec ee irec manapene afeckeha boc bajueŋgopeneŋ.
23Eeatuc dâŋ muhuc maŋ mamanasu‐nâŋecte fuŋne jâmbâŋ hesoŋkenaŋmuo ine afezi hapec dodocne bahuc sahacnao qâreŋ wiac baeŋgopieŋ irec sâc enaŋmu.
24Ŋic moczi qaisocguocmu e maŋticnao eeatuc foha micbipiczi sawa wokemaŋ dâŋ gazaocmu.
25E dâŋ mume manatec aŋac baŋacne eocmu mecne, erâ ine qaqaisoc dâŋzi maŋnao fusucmarâ fokacte dâŋticne mi mana ʒakiezemec.
26E qaqaisoc dâŋticne hesoŋkeocmu mecne, erâ sifu wiac hehesicne ebac eekac i ŋic jaŋe hone manac eeŋgopieŋ.

Read Muqâqiŋ Dâŋ 26Muqâqiŋ Dâŋ 26
Compare Muqâqiŋ Dâŋ 26:15-26Muqâqiŋ Dâŋ 26:15-26