Muqâqiŋ Dâŋ 23:2-10

²Ehuc go nânâ bocjaha nâekicko sifu âmbâŋ mi nâzemec.

³E esâicguhuc nânâ aŋacne râe bâmoc eha go hone fâfârerâ gapec tâmiric mi nâzemec.

⁴Go maŋɋârâŋhec juhuc moneŋ mafa sâko bâfuacmurâ tâpirige mi sipirickezemec.

⁵Manakic, tucwipezi furuc furuc qahuc ratâmireekac irec sâc jaha moneŋ mafagezi fakecnehec erâ ratâmireocmu.

⁶Go ŋic buchâro ehec nânâ mi nâzemec, me nânâ aŋacne râe bâmoc eekac irec andac wâc boc mi ezemec.

⁷E nânâ garehuc ŋifec ine upegao baocmu. Ehuc maŋticnezi gorao mi domaha miczi burec erâ ʒiŋuc gazahuc eatucguocmu: “Ware nânâ opâ nâc.”

⁸Go ere nânâ wiac nârâ maŋucmu, ehuc daŋgedâŋ âzâcnetec fârimâc eocmu.

⁹Go ŋic mutuc matacne ere maio dâŋ mi muzemec, e maŋɋârâŋ dâŋge mi mana tarahuc qaisockeocmu.

¹⁰Apa ŋosafâcge jaŋe mâreŋ ma râembiŋ i baʒic baefuc mi ezemec, erâ bekâ mâsiŋ jaŋere mâreŋ wâc mi jowac rozemec.