Muqâqiŋ Dâŋ 19:4-11

⁴Ŋic moneŋ mafa sâkohec e âgo bocjaha fuacneeŋgopieŋ, â ŋic hapetac e ine âgofâc‐ticne jaŋe râpeckeeŋgopieŋ.

⁵Ŋic moc e dâŋgieo domahuc dâŋ musifuckeocmu e okacne roocmu, â moc e burecdâŋ muocmuzi bâbâtiŋ sâcne mi wisecneocmu.

⁶Ŋic bocjaha jaŋe ŋic ʒâŋe biŋehec bâbâmiriŋ dâŋ jazaeŋgopieŋ, â ŋic bokifac jaŋehec ââgo ehuc juniŋte boc ejareekac.

⁷Ŋic hapetac e hahac ɋafâc‐ticne jaŋe qaisockeeŋgopieŋte âgofâc‐ticne jaŋe wâc behe‐jâmbâŋkeeŋgopieŋ; ehame e âgo bacjopaocte gie sâko bâipiehuc juekac.

⁸Go gahacne manasuhuc mamana fuŋne fuŋne rozemec, erâ mamana rokomec i bajuhuc juhâc qâhâmozemec.

⁹Ŋic moc e dâŋgieo domahuc dâŋ muhasickeocmuzi bâbâtiŋ roocmu, â ŋic moc e burecdâŋ muocmuzi sipirickeocmu.

¹⁰Ŋic mutuc matacne jaŋe moneŋ mafa sâkohec mi junʒepieŋ, â kiŋaŋ qaqa jaŋe ŋic fekicne ŋicbomboŋ mi ejarenʒepieŋ.

¹¹Ŋic mamanahec e kimbeŋ aaric‐ticne sâcne fâre wahaocmu, â ŋic moczi wiac sâqocne moc ecneme hone takirehuc behecneme sâcke‐hâmoocmu.