Muqâqiŋ Dâŋ 16:25-32

²⁵Ŋic nâŋâc hata moc honerâ biaŋne mecne muhapene sifu hata izi raku hâmoc haeo fisikac.

²⁶Ŋic moc e nânâ nâ gapec eocte aŋac manahuc gie‐ticne ʒoɋachec baocmu.

²⁷Ŋic hehesicne jaŋe wiac hehesicne jaha eniŋte manasueŋgopieŋ, ehame dâŋjeŋiczi ʒoc iŋucne bâruŋkerâ ima gie baekac.

²⁸Ŋic sindaŋne jaŋe gupe micko âke dâŋ mueŋgopieŋ, ehuc ŋic âgofâc‐jeŋic jaŋerao fâfâuc bâfuaeŋgopieŋ.

²⁹Ŋic ʒâʒâicne jaŋe ŋic âgofâc‐jeŋic eatuc‐jopahuc sisipiricko râec‐jopaeŋgopieŋ.

³⁰Ŋic ʒâŋe bazuc enâreeŋgopieŋ jaŋere ruc banʒepeneŋ, â sumâŋ kieŋgopieŋ jaŋe ʒika qaniŋte maŋkeeŋgopieŋ.

³¹Ŋic tiŋne jaŋe dameŋ ʒora jufeeŋgopieŋ, ehame jaŋɋâŋ‐jeŋic honepene eri hendiŋ‐jeŋic eekac.

³²Ŋic qac momori ere manapene wawahane eha ŋic kimbeŋ‐ticne bembeŋne ere ine manapene fefene ezejec. Erâ moc e ŋic guru sâko bawahac‐jopaocmu ere wâc iŋuc jaha manapene wawahane ezejec, â moc e maŋrâŋgeŋ‐ticne bawahaocmu ere ine manapene fefene ezejec.