2Ŋic maŋɋârâŋhec ere mickonec mamana dâŋ biaŋne sawa wahaekac, â ŋic mutuc matacne eki ine mutucdâŋ sawa muekac.
3Wofuŋ e mâreŋ ira me ira wiac fuaekac sâc hone manac efâreekac, ehuc wiac biaŋne me sâqocne ebac ehapene hone jâjâpec‐nâpoekac.
4Dâŋ biaŋnezi juju bâfua‐nâreekac, â dâŋ gâgâpâcnezi ine maŋnâŋec bâsâqoreekac.
5Motec mutucnezi mamac‐ticnere mubâtiŋ dâŋ qaisockeekac, â mana maŋ eekaczi ine maŋɋârâŋhec eekac.
6Ŋic tiŋne jaŋe moneŋ mafa ɋâfoŋne fojareekac, â ŋic sindaŋne jaŋere huhure wiac ine sifuckeekac.
7Ŋic mutucne jaŋe mâcne, maŋɋârâŋhec jaŋe mamana dâŋ musaweeŋgopieŋ.
8Ŋic siocmâc jaŋe Wofuŋ numucnepie maname biaŋkeekac, â ŋic sindaŋne jaŋe taha bâzi rikecnepie ine maname mamakâcne eekac.
9Wofuŋ e ŋic sindaŋ hârindaŋne jaŋere eebapa honeme gâgâpâcne eekac, â wiac tiŋne ebac eeŋgopieŋ jaŋe ine maŋzi ʒâfic‐jopaekac.
Muqâqiŋ Dâŋ 15
Muqâqiŋ Dâŋ 15:2-9