Muqâqiŋ Dâŋ 14:27-31

²⁷Wofuŋ araŋ babacne izi jujure opâ ʒâŋe ekac, moc e opâ i nâhuc hâmoc getâckeocmu.

²⁸Ŋicwofuŋ moc e kikefuŋfâc‐ticne guru sâko jucnepie ʒâŋe biŋe sâkohec eocmu, â kikefuŋfâc‐ticne jaŋe tâmiric ine ŋic omane tinac eocmu.

²⁹Ŋic moc e buuruchec juocmuzi mamana‐ticnere fuŋne bataniŋkeocmu, â moc e maŋʒoc‐ticnehec juocmuzi ine mutuc‐ticnere fuŋne bataniŋkeocmu.

³⁰Ŋic moc e wama ruaine juhuc sahac‐ticne gume jowac eocmu, â moc e maŋʒârâ‐ticnehec juocmuzi ine siec bibiricko wicsanaŋ fuaekac irec sâc eocmu.

³¹Ŋic moc e hapetac jaŋe bâʒâic‐jopahuc bâbâfua‐ticne wâwânâŋ ecneocmu, â moc e qarâ suriŋne jaŋe ehâmo‐jarehuc bâbâfua‐ticne araŋ bacneocmu.