4Ŋonâŋ biaŋnezi ŋowe‐ticnere eridu tinac eekac, â ŋokac moc e ŋowe‐ticne mimi qaqa ecneocmuzi ine, umbeŋzi ŋic siec‐ticne nâekac irec sâc eocmu.
5Ŋic tiŋne jaŋe dâŋ biaŋne maŋkerâ jueŋgopieŋ, ŋic sindaŋne jaŋe ine eeatuc dâŋ sawa nâzâeŋgopieŋ.
6Ŋic sindaŋne jaŋere dâŋ izi ʒika iŋucne ŋic bâʒâic‐jopaekac, â ŋic tiŋne jaŋere dâŋzi ine ŋic ʒâic busâqoc faio juhapie bafic‐jopaekac.
7Ŋic sindaŋne jaŋe waha jopame omaeniŋmu, â ŋic tiŋne jaŋe ine mimiŋzi ɋâric jufehuc juniŋmu.
8Ŋoŋe mamanahec jupie ŋic jaŋe mumbiaŋ‐ŋopaniŋmu, â mutuc matacne juhapie ine mana wahac‐ŋopaniŋmu.
9Ŋic moc e maŋhuhuŋ juhuc nânâre hâmozacte gie bame biaŋkeocmu, â ŋic moc e ine ʒâŋe biŋe‐ticne sawa feocte manasuhuc ojoŋ juocmuzi nânâre hâmoocmu.
Muqâqiŋ Dâŋ 12
Muqâqiŋ Dâŋ 12:4-9