Mune Waŋe 51:3-8

³Ye siŋka mbaren sulumba une maŋau ken. Wam ta ye mara mindek idusmba minet.

⁴Ye ne am mbolŋge mbaren. Mbar ta ne kumammba ken. Ta tuku ne kumumbi ye tumba pasa mbolŋge pilit.

⁵Ye inaŋge te-pile ndakina ait ta ye une ŋak minen. Nu ye te-pilna le ye mbar maŋau kam tuku ndo mayok kan.

⁶Ye maŋau purfeŋnu tugusek ndo dubiki ŋga ne wamdus suŋgo ŋak minit. Ta tuku ne wamdus kuyar mayenumbi ye sinzaŋya.

⁷Ne ye tuku une ta ŋakmba sauka kile-sika. Taŋawa le ye ne am mbolŋge purfeŋnu ndo mayok ka.

⁸Ne ye piti suŋgo sina le ye tuku saŋgri ŋakmba kuganaig. Ne ye tuku mbar maŋau ta kile-sikumba ye tuku une ta nduiye gilaiŋga. Taŋamba ne naŋe gare maŋau ta ye sa le ye maŋ gare-gareki.