MUKÉTÍMÙ 14:4-11

⁴Kɛ̀ bɛ̀ nnɑ́ɑ́ mbɛtɔbɛ̀ kɛ tú: Tí tɑ̃ɑ̃tɛ́nɛ̀ wèè bo ntú ti kóo kpɑ̀ɑ̀tì kɛ́wɛ̃tɛ Esibiti.

⁵Mɔyiisi nɛ̀ Anɔɔ kɛ̀ bɛ̀ɛ do kɛ́sĩ́nnɔ́ɔ Isidɑyɛɛribɛ bɛmɔu ììkɛ̀.

⁶Kɛ̀ Nunni birɛ Sosuwee nɛ̀ Yefundee birɛ Kɑdɛbu bɛ̀ɛ̀ do kɔ̀tɛ kɛ́pɑɑtɛ́ kɛtenkɛ̀ kɛ̀ bɛ̀ɛ kɛ̃rí bɛ yɑ̀ɑ̀tì,

⁷kɛ́nɑ́kɛ́ Isidɑyɛɛribɛ bɛmɔu tĩ̀nnì kɛ dɔ̀: Kɛtenkɛ̀ ti kɔ̀tɛ kɛ yɑ̀ kɛ̀, kɛ̀ tu kɛtensɑ̀ɑ̀kɛ̀ nkɛ, dihɛì sɑ̀ɑ̀rì mɔ́mmɔnni.

⁸Ti Yiɛ̀ nKuyie nti kómmúmu kɛ yóó ti tɑnnɛ́ dɛ kó kɛtenkɛ̀ mɛnɑɑmiɛ̀ nnɛ̀ mɛcekùɔ̀ ndɛ̀ pũɔ̃̀ nkɛ̀, kɛ́ kɛ̀ nti duɔ́.

⁹Ti bɑ́ɑ́ tuutɛnɛ̀ Kuyie, ti bɑ́ɑ́ yɔtɛ dɛ kó kɛtenkɛ̀ kɔbɛ. Ti yóó bɛ̀ ɑutɛ́mu dimɔ̀nnì dìmɑ́ɑ̀ miɛkɛ. Bɛ bɔkɛ̀ cokɛ́mu! Ti Yiɛ̀ nKuyie nti bonɛ̀mu, di bɑ́ mbɛ̀ dé.

¹⁰Mɛm̀mɛ kɛ̀ Isidɑyɛɛribɛ bɛmɔu tĩ̀nnì nnɑ́ɑ́ nkɛ́tú, bɛ̀ bo búɔ́tí Mɔyiisi nɛ̀ Anɔɔ yɛtɑ̃́rɛ̀ kɛ́kuɔ. Bɛ̀ kpɑɑ́ mɛ nnɑ́ɑ́ nkɛ̀ ti Yiɛ̀ nKuyie nkó tikpetìi cútɛ́ní mɛtɑummɛ̀ tou ĩ́nkɛ̀ Isidɑyɛɛribɛ bɛmɔu nuɔ mmiɛkɛ.

¹¹Kɛ̀ ti Yiɛ̀ nKuyie mbɛ́inɛ̀ Mɔyiisi kɛ dɔ̀: Dɛ̀ yó nkɑ̃́ɑ̃́kɛ́ dɛ kɛ̀ bɛ nnìtìbɛ̀ yóu bɛ̀ bo nni nsenkumɛ̀? Dɛ̀ yó nkɑ̃́ɑ̃́kɛ́ dɛ kɛ̀ bɛ̀ɛ yie n kpɛti? M mɛ ndɔ̀ɔ̀mu tidiɛtì bɛ cuokɛ̀.