Mitiyegec 4:3-7

³KEBUNGO yengena enac tofoc tofohongic bic segereu yengena areng ande, ngeni imoc negembisia. Ni KEBU kpacba yeng ubaudumenna negenude.

⁴Ngeni herengina buu kopocsic mi meficgebisia nga fefenginau fema ubanginau wiac negensima waicke febisia. Selac

⁵Ngeni sese sirihau meficgema faima KEBU negenserima kecbisia.

⁶Ngicngac homacngo yofi deandae, “Wiac gombunga edzacnunugecdeac anemmede. O KEBU, ge kicmesugaac kperagingo nerarannununa.”

⁷Ngic goa yeni semeng uanginau wit nga waing gboria efea kpac fingeru sogaigecde anu geng sogac sogai herenau fainec, imocngo ine yeneac ubangerec ferahade.