Mitiyegec 29:5-9

⁵KEBUAC ubaudumengngo yomondzoc ic kpetackeude. KEBUNGO Rebanong bangecac yomondzoc ic kpedzameyunuude.

⁶Yeng Rebanong bangec yoac edeu ye burumaka medaha isoc yuude nga Siriong bangec ye burumaka ngiwa isoc yuude.

⁷KEBUAC ubaudumengngo gerecborang meficgema ukuyunuu singsararang kpegecde.

⁸KEBUAC ubaudumengngo bangec kisiu fingeru imocngo dzonoma fedeude. KEBUNGO Kadesi bangec kisi kpemindzaheude.

⁹KEBUAC ubaudumengngo kateburumaka yoac edeyunuu medacfocngina fingecgecde. Yeng ic maria kpemoronggedarude. Yeac womonnu yofi dema arohodacgecde, “KEBU eweheiheiagoc dengereni.”