Miti Mumu Ŋic 6:4-9

⁴Kogoc iŋucnezi fuarâ izia dapâcko sifuckeme ere nikec‐nâpoekac.

⁵E ʒoaŋ tatamac moc mi honeocmu â jujure fuŋne wâc mi manaocmu, erâ sifu ŋic e sirickehuc jujumana haeo raocmu.

⁶Kogoc iŋucnezi ŋic moc jara 2 tauseŋ jufehuc jujuhâmo mi bâfuaocmu ere sâc sirickeocmu hâcne. Erâ jahe sifu hae ijaha rakopirec.

⁷Ŋic nâŋâc gie sasawa baeŋgopeneŋ i nânâ opâ‐nâŋec bâfuanaŋte baeŋgopeneŋ, erâ ine sâcnâŋec bâfua‐bipiehuc sifu manapene mi sâckeekac.

⁸Ehame ŋic maŋɋârâŋheczi weniŋuc ehuc ŋic mutuc matacne sirickeme biaŋkeekac? Â ŋic qarâ suriŋne e juju biaŋnere fuŋne manaocmu izi sâcne bafickeocmu me?

⁹Nâŋâc wiac fonâreekac irec manapene sâckezejec, me fonâre‐bipieha ʒuhuckerâ ronaŋte mupene ine sâqoreekac. Erâ i wiac fâri tâmiric jaha, mezi mâŋâŋ rorâ basanaŋkezo eipieeŋgopeneŋ irec sâc ekac.