Text copied!
CopyCompare
Kâte Bible - Miti Mumu Ŋic - Miti Mumu Ŋic 10

Miti Mumu Ŋic 10:7-17

Help us?
Click on verse(s) to share them!
7No kiŋaŋ qaqa jaŋe becâsic faio ŋehapie ŋic fekicne jaŋe kiŋaŋ qaqa jaŋere sâc kikezi rahapie honec‐jopapo.
8Go nombâŋ moc rocmuo ine gahaczia hucmu, â ficsâpe moc heropiehaŋ homazi kicguocmu.
9Qânâ wiac rohuc juhapene qânâzia ŋemac‐nâpoocmu, â ʒoc hesuckepene izia nâpoocmu.
10Râricge micmâŋ eha mi ʒâmucmuo ine gie sâko gareocmu, irec qanaŋ mamanasu gie barâ wiac ebac etec sâckeocmu.
11Go homa moc biac kicguha faicnao sawa bâmâteŋkecmu i fâri tâmiric eocmu.
12Ŋic maŋɋârâŋhec e dâŋ muocmu izi hâcne ʒâŋe biŋe‐ticne bafahareocmu, â ŋic mutuc matacne e ine dâŋticnezia sipirickeocmu.
13E fuŋkerâ dâŋ mutucne muekac, erâ muraku dâŋ gâgâpâcne jâmbâŋ muhuc mutaraekac.
14Ŋic mutuc matacnezi dâŋ ʒuʒuhuc jaha muekac. Ŋic nâŋâc wemo wiaczi maic‐nâpoocmu i mi manaeŋgopeneŋ, erâ juku hâmopene irec faicnao wemo wiac fuaocmu i ŋic moczi moc sâcne wâc mi nâzâocmu.
15Ŋic mutuc matacnezi hae‐ticnere hata basahuc gie sâko baku docke betaŋ eocmu.
16Opoŋ, mâreŋ mocte ŋicwofuŋzi ɋie hawari juocmu â fekicnefâc‐ticne jaŋe ŋafe ʒora tiwâ bâzi sâko nâhuc juhapie hae fureme mâreŋ i sâqorerâ foocmu.
17Â mâreŋ moc irec ŋicwofuŋzi ŋic sanaŋne juocmu â fekicnefâc‐ticne jaŋe tiwâ bâzi‐jeŋic dameŋkoa nâ bac ehuc opâ sanaŋ nâpie maŋjeŋic mi sifuckeme mâreŋ izi ine biaŋne foocmu.

Read Miti Mumu Ŋic 10Miti Mumu Ŋic 10
Compare Miti Mumu Ŋic 10:7-17Miti Mumu Ŋic 10:7-17