Miti Mânec 9:14-20

¹⁴Eme wiac embiaŋkeekic irec binaŋ bafârezepac, ehuc Zioŋte otâ ere hae ʒoŋao, hone baficgere ʒeri bari ezepac.

¹⁵Qâpuc guru jaŋe jaŋac nombâŋ bâmockembiŋko hutâmirembiŋ, wiwitic soŋsoŋko râembiŋzi kike‐jeŋicko kiwec.

¹⁶Wofuŋ e okacne dâŋ mujarehuc fuŋne‐ticne bataniŋkewec, ŋic sindaŋne eebapa‐jeŋiczi ufic ejareme jowambiŋ.

¹⁷Ŋic sindaŋne jaŋe hâmoc haeo hunʒepieŋ, ŋicguru Anuture ninikec jueŋgopieŋ sasawa jaŋe hâcne.

¹⁸Ŋic hapetac jaŋere ninikec sanaŋ mi fuaocmu, tac qararacne jaŋere woworic fârimâc mi fohuc juocmu.

¹⁹O Wofuŋ, go faharec! Ŋiczi pepec sâko mi ezejec. Ŋic gurune gurune gore maio dâŋgie banʒepieŋ.

²⁰O Wofuŋ, go bipic tatara bâfua‐jaretec, qâpuc guru jaŋe munʒepieŋ, “Nâŋe ŋic sawa.”