Miti Mânec 94:14-23

¹⁴Wofuŋ e gurufâcne mi suŋgiŋ‐jopaocmu, â merâfâcfâcne mi behec‐jopaocmu.

¹⁵Ŋic tiŋne erao mumutiŋ risieocmu hâcne, eme siocmâc sasawa jaŋe bâjâpeniŋmu.

¹⁶Mozi ŋic sindaŋne râsi ejarehuc no ŋezicnuocmu? Mozi sâqocne bapa bâsuec‐jopahuc sacfozic enareocmu?

¹⁷Wofuŋzi no mi baficnume muzac, qâqâtâc‐nanezi biac niniŋ siarereŋ mâreŋko juzac.

¹⁸“Kike‐nanezi âte sowariekac” muhape, Wofuŋ, gore aki anonoczi âkesiŋnuwec.

¹⁹Maŋnaneo memezac bocjaha fuame, gore bâbâmiriŋzi âke ɋârecnuekac.

²⁰Micne bapa sindaŋne jaŋe sâcne gohec ʒâʒâfic eene me? Jaŋe hâcne mumupaŋ‐jeŋiczi wiac bâsâqoreeŋgopieŋ.

²¹Jaŋe ŋic tiŋne ere juju sipirickeniŋte meo roroc eeŋgopieŋ, erâ ŋic bahacmâc hâmocte biŋe qaŋgopieŋ.

²²Wofuŋzi ine hae sanaŋ‐nane ewec, â Anutu‐nanezi qânâuŋ‐nane ewec.

²³Eki hâcne hehesic‐jeŋicte okacne bazu‐jareocmu, â sindaŋ‐jeŋicte erâ bâsirowec‐jopaocmu; Wofuŋ Anutu‐nâŋeczi bâsirowec‐jopaocmu.