Miti Mânec 91:1-10

¹Moc e Femicne sâkore sâsâocko juekac, â Bapafâre ere mumucko ŋec foc eekac,

²e Wofuŋ ʒiŋuc âzâcneocmu: “Qânâuŋ‐nane â huec‐nane, Anutu‐nane, no gorao roweckekopac.”

³Eki wosaŋeŋ bapare bitiŋkonec bataracguocmu, â huc sâqocnezi rocguzacte ŋezicguocmu.

⁴E suhuc‐ticnezi bâsoŋguocmu, â fakec rurumaŋ‐ticnao sâsâoc bâfuaocmu; jauŋ fâri‐ticnezi maro maruku egarekac.

⁵Go ŋafeo sisipiric wiacte mi hâwicguocmu, â ʒoaŋko tepe motec fisiekac irec mi mezacguocmu.

⁶Ŋafere huc hâmocte mi gâgâmârâcmu, â ʒoaŋko ima fuaekac irec manabâc mi ecmu.

⁷Gâjoŋgao ŋic wâŋ tauseŋ farazo murâ faraniŋ, mefâregao teŋ tauseŋ hâmozo murâ hâmoniŋ, ehame sifu sisipiriczi go mi rocguocmu.

⁸Go ʒâŋezi sawa firâ honehaŋtec, ŋic sindaŋne jaŋe okacne roniŋmu.

⁹Go Wofuŋzi huecge eocte bâwosâemeŋte, â Femicne sâkozi hae sanaŋge eocte sakaremeŋte,

¹⁰sisipiricte wiac moczi mi bâfuacguocmu, â ʒârâ ʒâpâ moczi ficbozege mi bâqiŋkeocmu.