Miti Mânec 85:5-12

⁵Go mamana sâqoc tatara tâmiric enârehuc jucmu me? Â aaricge mimiŋzi ɋâric foraocte mukic me?

⁶Go mocwâc mi heɋârec‐nâpotec, ŋicfâcge bubiaŋ mana‐garenʒapiŋ me?

⁷O Wofuŋ, go aki anonocge nâwotuc, â bâbâpiaŋge tahac‐nâpoc.

⁸Wofuŋ Anutuzi dâŋ muzo ekac i manape, e jâmbomac gurufâcne wamadâŋ jazazo ekac, mitiŋicfâc‐ticne hâcne; mâc mutuc hatao mi risienʒepieŋ.

⁹Jâmbomac, e araŋ bacneeŋgopieŋ jaŋe bâbâpiaŋzi maic‐jopakac, eme mâreŋ‐nâŋecko eri tatamac fofezejec.

¹⁰Buuruc â siocmâc jahe bâbâfuac enicmu, tiŋne juju â wama jahe mumuduc enicmu.

¹¹Siocmâczi mâreŋkonec âkeʒurâ feocmu, tiŋne jujuzi sambâŋkonec fime wahaocmu.

¹²Eme Wofuŋzi wâc jambuŋ tahac‐nâpoocmu, â mâreŋ‐nâŋeczi mâriri‐ticne bâfuaocmu.