Miti Mânec 81:4-15

⁴Israe kikefuŋ iŋuc mutâcnecnewec, Jakobore Anutuzi mupaŋkewec.

⁵Aigita mâreŋ maickehuc faharewecko, Josefe sâcmutâc iŋuc ecnewec. Dâŋ moc hazec furu‐nane manakopac:

⁶“Ɋawegao tagi fowec i qatarapo, megao sasac fowec i gowac ropo.

⁷Ʒâicmaŋko wira‐naretec baficgupo, ɋuŋ parandaŋte haesoŋko juhuc mana‐garepo, Meriba opâo esâicgupo.

⁸“Gurufâc‐nane, manahapie uŋ ŋazape; Israe guru, dâŋnane mananʒapiŋ me!

⁹Ŋoŋe nemu jabane moc mi bajunʒepieŋ, guru moc jaŋere nemu mi dapecnenʒepieŋ.

¹⁰Wofuŋ noni gore Anutu jukopac, Aigita mâreŋkonec jowacgu warepo no hâcne; go micge aŋketec bâfuse‐garepe.

¹¹“Ŋicfâc‐nane jaŋe ine dâŋnanere hazec mi râembiŋ; Israe guru jaŋe micnane mi reŋkembiŋ.

¹²Eme maŋsanaŋ‐jeŋicte faio fehuc mana‐jarepe, jaŋacne mamana biri bâjâpembiŋ.

¹³Jâi, ŋicfâc‐nane jaŋe hazec râe‐narenʒapiŋ! Israe guru jaŋe nore hata âtenʒapiŋ me!

¹⁴Eme noni râsifâc‐jeŋic biac bawahac‐jopazapo, â menanezi kisâfâc‐jeŋic imac‐jopazac.

¹⁵Eme Wofuŋte takic‐jopaekac jaŋe e mezarecnenʒapiŋ, â ʒâic dameŋ‐jeŋiczi tatarane mi ezac.