8Ŋicne ŋicne, Anutu‐nâŋec muteŋkeniŋ, mumumbiaŋ‐ticnere marac fânâŋ fuaoc;
9eki bâwâzâŋ‐nâpome juju guruoa juŋgopeneŋ, kike‐nâŋec soŋaŋkeme âte sowarierâ mi nâpojec.
10O Anutu, go ba esâic enâremeŋ, siliwa esâickeeŋgopieŋ irec sâc enâremeŋ.
11Go manahaŋ uficko jowambeŋ; go fai‐nâŋecko tagi ŋemâcne râemeŋ;
12go ŋic mana‐jaretec qizec‐nâŋecko âtembiŋ; go manahaŋ ʒocko â opâo humbeŋ; eme sifu baefuc‐nâporâ toma sâkoo râec‐nâpomeŋ.
13No ufuŋgao qowi bâzi barâ fâpemu, mumupaŋ‐nanere fârine bâfua‐garepemu.
14Ʒârâ hâriŋ maŋnao juhuc, micbipic‐nanezi mupaŋkepo i hâcne.