Miti Mânec 65:2-8

²Nunumu manaekicte gorao hâcne mâreŋŋic sasawa fisieŋgopieŋ.

³Bahac bâfua fekupene siric‐nâpoha goki hâcne kiŋ behe‐nâreekic.

⁴Go ŋic moc bâwosâerâ hefâretec, fisi ufuŋgere hae ʒoŋao juocmu, ere manapene ʒerine eocmu. Ficgere mâriri nâ gapec enʒepeneŋ, tiri ufuŋgere hâcne.

⁵Go mâsi hâhâwicne bahuctecne, nunumu‐nâŋec manarâ batarac‐nâpoekic, bâbâpiaŋ‐nâŋecte Anutu go; erâ mâreŋ â hâwec qaŋeŋnao juŋgopieŋ, jaŋe go jaha woricgueŋgopieŋ.

⁶Go tâpiri hetec hume tiki râec‐jopameŋ, eme qiŋ herâ ŋeŋgopieŋ.

⁷Go hâwec siri fânâŋ‐ticne, â ŋicne ŋicne ojowa‐jeŋic, bâmâteŋketec tiŋbenoŋ fuaekac.

⁸Eme mâreŋ sâko mâreŋ mecqaŋeŋnao juŋgopieŋ, jaŋe fuŋne qaqa mâsigere bipic tara‐jareekac; go ʒoaŋ wewefu‐ticne â huhu‐ticne, bubiaŋ afusecnetec kiwac qawac eekac.