Miti Mânec 63:2-10

²Irec tiri ufuŋko gore ʒâŋe fipo, tâpiri â eri tatamacge honepemurâ.

³Gore aki anonoczi furi sâko ehuc juju sirickekacte, micbipic‐nanezi mumbiaŋguzepac.

⁴Eme jufepemu sâc muteŋguhuc juzepac; menane bafaharehuc ʒâŋege wâsickezepac.

⁵Maŋ qâqâtâc‐nane gumeqiŋnetec manape, siec ɋârâc â wokemaŋ nâ gapec ekopac eekac. Micbipic‐nanezi ʒeri ehuc mumbiaŋguekopac.

⁶Ine ŋafeo fofo‐naneo dameŋ ʒora gore manasuhuc fope iŋuc fua‐nareekac.

⁷Goki hâcne hone bafic enarehuc juekicte, fakec rurumaŋgao ʒeri gae hehuc foekopac.

⁸Maŋ qâqâtâc‐nanezi go hariŋguekac, â mefâregezi dope hutuŋ enareekic.

⁹Â juju‐nane sipirickeniŋte ʒoɋac eeŋgopieŋ, jaŋe ine mâreŋ hofâhâŋnao ʒâziŋkeniŋmu.

¹⁰Jaŋe ʒikare micko râec‐jopazo, â kâte qâto jaŋere nânâ eniŋmu.