Miti Mânec 62:8-11

⁸O qomâfâc‐nane, ŋoŋe erao dameŋ sâc roweckenʒepieŋ, maŋŋeŋicte fuŋne e bataniŋkecnenʒepieŋ; Anutu e hâcne qânâuŋ‐nâŋec ekac.

⁹Mâreŋŋic jaŋe nokafe sawa, ŋicbomboŋ jaŋe wâc ɋârâc ɋârâcne, ŋemâc bâbâfuare sâcko mâmâc afecke‐fâreniŋmu, mâmâc nokafere sâc jaha eniŋmu.

¹⁰Jâiŋko wiac hohotâckere mi manasunʒepieŋ, fiuckonec wiac bâbâfuare maŋgâc wâc mi enʒepieŋ; â moneŋ mafa sawe‐ŋareocmuo, ine ira mi mana utuckenʒepieŋ.

¹¹Anutuzi dâŋ moc muwec i manape arecne 2 ewec: Tâpiri rune i Anutu noni jukopac.