Miti Mânec 55:14-22

¹⁴qâqâtec juhuc dâŋ mumac qamanac ejuperec, hombaŋko Anuture ufuŋko mâmâc fejuperec.

¹⁵Hâmoczi ɋeŋfâfâc jaha rocjopazejec, ɋâricnea hâmoc haeo utuckenʒepieŋ, bipic tatara ejareha ʒâŋeruŋ‐jeŋicko hunʒepieŋ.

¹⁶No ine Anutu wira wâwâsic ecnekopac; eme Wofuŋzi sisipirickonec bataracnuocmu.

¹⁷Owâcne mecne, furicte mecne, ʒoaŋko mecne, huacbuc dâŋnane mu huse epemu, eme eki dâŋmarac‐nane manaocmu.

¹⁸Eki bataracnume wamao raʒipemu, eme wiac enarezo murâ quŋkeniŋmu, jaŋe ŋic bocjahazi wiac enareniŋte birickembiŋ hâcne.

¹⁹Anutuzi mana‐narerâ bawahac‐jopaocmu, e mumutara ŋeŋeo mârâc jaha fuŋkerâ ŋeweczi; jaŋe maŋjeŋic mi bârisieŋgopieŋte, â Anutu araŋ mi bacneeŋgopieŋte.

²⁰E qomâ‐nanezi âgofâcne jopaocte meticne bafaharewec, â jaŋehec ʒâʒâfic‐ticne hetâcnewec.

²¹E micbipic‐ticne fâsâcne wokemaŋ iŋucne, ehame sifu ʒika maŋkeekac; dâŋticne urucne, tokicte sâc, izi sifu damu erâ âkec‐jopaekac.

²²Tagige Wofuŋ qârâriecnec, eki sâcne dopecguocmu; e ŋic tiŋnezi biric boroc eocte moc mi manacneekac.