Miti Mânec 51:2-12

²Hehesic‐nane ʒure bataniŋ enare‐fârec, â sâqocne‐nane bârâriehuc baɋaɋacnuc.

³No bahac‐nane hone tarakopac, â sâqocne‐nanezi mai enarehuc jukac.

⁴Sâqocne bahuc go hâcne bugao bapo, â wiac epo i goki honetec repirekac. Go mumutiŋgezi dâŋfâri eocmu, â mumutaragezi ɋaɋacne eocmu.

⁵Jei, no hehesic maŋkonec fuapo, â neŋgoczi sâqocnehec kiwecnuwec.

⁶Jei, maŋzi siocmâc foocte egareekac; maŋfâhâŋko mamana fârine qazu‐narec.

⁷Sanu rehaczi bataniŋnutec ɋaɋackezepac, ʒurecnutec sinoure sâc sirickehuc qaŋqaŋ fuazepac.

⁸Ʒeri bubiaŋzi bâfusecnuzemec, eme me kike qambaŋaŋkemeŋ i mocwâc biaŋkezejec.

⁹Sâqocne‐nanere ʒâŋe maige bâsoŋkezemec, â bahac‐nane bâtâmire‐fârezemec.

¹⁰O Anutu, go maŋɋaɋac bâfua‐narezemec, â mâro ɋâricne râe‐naretec maŋkehuc qiŋ hezepac.

¹¹Ʒâŋe maigaonec mi sârocnuzemec, â gore Tiri Mâro mi nowac roc.

¹²Bâbâpiaŋgere aŋac mocwâc heɋâre‐narec, â micrereŋte aafec bâfua‐narec.